«Ұлттық Медициналық Ассоциациясы» РҚБ-нің МАРАПАТТАР МЕН ЫНТАЛАНДЫРУЛАР ТУРАЛЫ ЕРЕЖЕСІ
1. Жалпы ереже
1. «Ұлттық Медициналық Ассоциациясы» РҚБ-нің марапаттар мен ынталандырулар туралы ережесі (бұдан былай – Ереже) марапаттармен және ынталандырулармен байланысты қарым-қатынасты реттейді, марапаттардың (ынталандырулардың) дәрежесін, марапаттардың (ынталандырулардың) субъектілерін, марапаттау (ынталандыру) шарттары мен тәртіптерін анықтайды.
2. Медицина қызметкерлерін отандық денсаулық сақтау ісіне мол үлес қосқаны, халықтың денсаулығы үшін талмай еңбек етіп, қоғамдық қызметке белсене араласқаны үшін «Ұлттық Медициналық Ассоциациясы» РҚБ дәрігерлерге келесі аталымдарды береді:
а) марапаттар:
- «Алтын Дәрігер төс белгісі,
- ҰМА Алтын белгі төс белгісі,
- ҰМА Гауһар белгі төс белгісі,
- «Мейірім» жоғары адамгершілігі мен қайырымдылығын мойындау қоғамдық белгісі
- "AVE VITAE" ордені
б) атақтар:
- «Жылдың үздік емханасы» атағы,
- «Жылдың ең үздік дәрігері» атағы.
3. «АЛТЫН ДӘРІГЕР» төс белгісі туралы ереже
3.1. «Алтын Дәрігер» төс белгісімен төмендегілер марапаттала алады:
өз мамандығы бойынша ерекше кәсіби шеберлік және жанкештілік танытқан денсаулық сақтау басқармасы органдарының жұмысшылары, денсаулық сақтаудың мемлекеттік, муниципалдық, жеке жүйелі мекемелері, сондай-ақ денсаулық сақтау саласының дамуына үлес қосушы және денсаулық сақтау органдары мен мекемелері өткізетін іс-шараларға белсенді атсалысатын, адал және таза жұмыс істейтін, кәсіби шеберлік танытатын, денсаулық сақтау саласында кем дегенде 15 жылдық тәжірибесі бар, кем дегенде 5 жыл ҰМА мүшесі саналатын тұлғалар.
3.2. Ұлттық Медициналық Қауымдастығы Орталық Кеңесінің шешімі бойынша «Алтын Дәрігер» төс белгісі біздің еліміздің денсаулық сақтау саласына мол үлес қосқан өзге елдердің дәрігерлеріне, сонымен қатар сіңірген еңбегі қоғамда жоғары бағаланған бүгінде өздері көз жұмған дәрігерлерге берілуі мүмкін.
3.3. «Алтын Дәрігер» төс белгісімен марапаттауға дәрігердің отандық денсаулық сақтау саласына қосқан үлесі, халықтың денсаулығы үшін аянбай күресуі және қоғамдық өмірге белсене араласуы негіз болады.
3.4. «Алтын Дәрігер» төс белгісімен марапаттау жылына бір рет Медицина қызметкері күні қарсаңында өткізіледі.
3.5. Қауымдастықтың әр филиалы немесе құрылымдық бөлімі жыл сайын «Алтын Дәрігер» атағын иеленуі үшін тек бір ғана үміткерді ұсына алады.
3.6. «Алтын Дәрігер» төс белгісімен екі рет марапаттауға жол берілмейді. Жоғалған кезде, төтенше жағдайларда жоғалтса ҰМА Президентінің шешімі бойынша тек куәліктің көшірмесі берілуі мүмкін.
3.7. «Алтын Дәрігер» төс белгісін иеленуге ұсынылған кезде келесі құжаттар болуы керек:
а) бекітілген үлгідегі марапат қағазы;
б) марапатқа ұсынылған тұлғаның еңбек жолын және соңғы 5 жыл ішіндегі қоғамдық қызметін қамтитын қысқаша өмірбаяны;
в) оның отандық денсаулық сақтау саласы алдындағы атқарған еңбектерін сипаттайтын мінездеме;
г) филиалдың немесе құрылымдық бөлімнің ұжымдық жиналысының хаттамасынан жазба.
3.8. «Алтын Дәрігер» төс белгісімен марапаттауға қажетті құжаттар ізденуші тарап арқылы жыл сайын 10-шы маусымға дейін ұсынылады.
Аталған мерзімді бұзу арқылы ұсынылған құжаттар қарастырылмайды.
3.9. Белгімен марапаттау «ҰМА» РҚБ бұйрығына сәйкес жүргізіледі.
Ұсынылған құжаттардың барлығын «Ұлттық Медициналық Ассоциациясы» РҚБ Орталық Кеңесі арқылы қарастырылады, олар үміткерді марапаттау туралы шешім шығарады. «Алтын Дәрігер» төс белгісімен марапаттау туралы шешімді тек «Ұлттық Медициналық Ассоциациясы» РҚБ қабылдай алады.
3.8. Белгіні оң жақ төсте, Қазақстан Республикасының мемлекеттік марапаттарынан төмен тағады.
3.9. «Алтын Дәрігер» төс белгісі металдан дайындалып, алтын жалатылып, сегіз қырына тас қойылады.
4. ҰМА Алтын белгі төс белгісі туралы ереже
4.1. ҰМА Алтын белгі төс белгісімен марапатталуға төмендегі тұлғалар ұсыныла алады:
ҰМА филиалдарында кем дегенде 1 жыл президент болған, Бірлестікте кем дегенде 10 жылдық жұмыс өтілі бар, ҚР азаматтары.
4.2. Ұлттық Медициналық Ассоциациясы Орталық Кеңесінің шешімі бойынша ҰМА Алтын белгі төс белгісі Ұлттық Медициналық Ассоциациясытың дамуына мол үлес қосқан өзге елдердің дәрігерлеріне беріле алады.
4.3. ҰМА Алтын белгі төс белгісімен марапаттауға отандық денсаулық сақтау саласында қосқан үлесі және Ұлттық Медициналық Ассоциациясытың қоғамдық қызметіне белсенді араласқаны негіз болады.
4.4. ҰМА Алтын белгі төс белгісімен марапаттау, әдетте, мерейтойлар күнінде, жалпы қазақстандық және кәсіби мерекелер қарсаңында табысталады.
4.5. Жыл сайын Қауымдастықтың әр филиалы ҰМА Алтын белгі төс белгісін иелену үшін тек бір ғана үміткерді ұсына алады.
4.6. ҰМА Алтын белгі төс белгісімен екі рет марапаттауға жол берілмейді.
4.7. ҰМА Алтын белгі төс белгісімен марапатталу үшін төмендегі құжаттар жолданады:
а) бекітілген үлгідегі марапаттау қағазы;
б) марапатқа ұсынылған тұлғаның еңбек жолын және (немесе) соңғы 5 жыл ішіндегі қоғамдық қызметін қамтитын қысқаша өмірбаяны;
в) оның Ұлттық Медициналық Ассоциациясы және денсаулық сақтау саласы алдындағы қосқан үлесінің деңгейін көрсететін мінездеме;
г) филиалдың немесе құрылымдық бөлімнің ұжымдық жиналысының хаттамасынан жазба.
4.8. Белгімен марапаттау «ҰМА» РҚБ Орталық Кеңесінің бұйрығына сәйкес жүргізіледі.
4.9. Белгі төстің сол жағында пенжектің қайырмасына тағылады.
5. ҰМА Гауһар белгі төс белгісі туралы ереже
5.1. ҰМА Гауһар белгі төс бөлгісін иеленуге келесі тұлғалар ұсынылады:
ҰМА филиалдарында кем дегенде 1 жыл президент болған, Бірлестікте кем дегенде 10 жылдық жұмыс өтілі бар, ҚР азаматтары.
5.2. Ұлттық Медициналық Ассоциациясы Орталық Кеңесінің шешімі бойынша ҰМА Гауһар белгі төс белгісі Ұлттық Медициналық Ассоциациясытың дамуына мол үлес қосқан өзге елдердің дәрігерлеріне беріле алады.
5.3. ҰМА Гауһал белгі төс белгісімен марапаттауға Ұлттық Медициналық Ассоциациясыты және қоғамдық қозғалысты, денсаулық сақтау және медицинаны дамытуға қосқан зор үлес негіз бола алады.
5.4. ҰМА Гауһар белгі төс белгісімен марапаттау, әдетте, мерейтойлы айтулы күндер қарсаңында, кәсіби мерекелер кезінде табысталады.
5.5. Жыл сайын Қауымдастықтың әр филиалы ҰМА Гауһар белгі төс белгісін иелену үшін тек бір ғана үміткерді ұсына алады.
5.6. ҰМА Гауһар белгі төс белгісімен екі рет марапаттауға жол берілмейді.
5.7. ҰМА Гауһар белгі төс белгісімен марапатталу үшін төмендегі құжаттар жолданады:
а) бекітілген үлгідегі марапаттау қағазы;
б) марапатқа ұсынылған тұлғаның еңбек жолын және (немесе) соңғы 5 жыл ішіндегі қоғамдық қызметін қамтитын қысқаша өмірбаяны;
в) оның Ұлттық Медициналық Ассоциациясы және денсаулық сақтау саласы алдындағы қосқан үлесінің деңгейін көрсететін мінездеме;
филиалдың немесе құрылымдық бөлімнің ұжымдық жиналысының хаттамасынан жазба.
5.8. Белгімен марапаттау «ҰМА» РҚБ Орталық Кеңесінің бұйрығына сәйкес жүргізіледі.
5.9. ҰМА Гауһар белгісі төстің оң жағына тағылады.
6. «Мейірім» жоғары адамгершілігі мен қайырымдылығын мойындау қоғамдық белгісі туралы ереже
1. Жалпы ереже
1.1. «Мейірім» жоғары адамгершілігі мен қайырымдылығын мойындау қоғамдық белгісімен «Ұлттық Медициналық Ассоциациясы» РҚБ арқылы жыл сайын және орта медициналық білімі бар мамандар мен лайықты адамдарды науқастардың өмірі мен денсаулықтарын сақтап қалу жолында, соның ішінде төтенше жағдайларда көрсеткен қайырымдылықтары мен мейірімдерін ынталандыру үшін марапаттайды. Аталымның Интернетте өзіндік ақпараттық ресурсы бар – http://www.nma.org.kz.
1.2. Осы Ереже номинация беруді ұйымдастыру, өткізу және қорытындысын шығару қағидаларын бекітеді.
2. «Мейірім» белгісінің мақсаты мен міндеті:
2.1. Мақсаты орта білімді мамандардың медициналық қызмет көрсету жүйесіндегі кәсіби беделі мен маңыздылығын арттыру болып табылады.
3. Міндеті:
3.1. Орта медициналық білімі бар мамандардың кәсіби құзіретін жетілдіру және жеке әлеуетін жандандыру.
3.2. Орта білімі бар мамандарды зерттеу, жинақтау және үздік мамандардың тәжірибесін тарату.
3.3. Денсаулық сақтау мекемелері арасындағы өзара байланысты, медицина саласының орта кәсіби білімін, орта білімі бар білікті мамандарды дайындау бағытындағы қоғамдық ұйымдарды жетілдіру және медицианылық көмектің сапасын арттыру.
3.4. Қоғам мен кәсіби бірлестікке өз кәсібінің үздік мамандарын, кәсіби парызын атқару барысында аянбай еңбек ететін, отандық медицинаның дәстүріне берік тұлғаларды таныстыру.
4. Медициналық көмек көрсету жүйесінде орта медициналық білімі бар үздік мамандарды анықтау тәртібі
4.1. Бірінен кейін бірін 2 кезеңді өткізу ауылдық және қалалық емдеу-профилактикалық мекемелерінің орта медициналық қызметкерлері арасынан кәсіби тұрғыда барынша дайындалған, білімі терең жоғары білікті мамандарды анықтауға мүмкіндік береді.
4.2. Номинанттарды ұсыну мекеменің ұжымы арқылы кәсіби, шығармашылық және адами қасиеттерін ескере отырып жүзеге асады.
Номинанттарды ұсыну науқастар арқылы, науқастар ұжымы (тобы) арқылы, орта медициналық құрамның кәсіби қауымдастықтары арқылы, медициналық ұйымдардың әкімшілігі, білім және ғылым мекемелері арқылы, сондай-ақ өзін-өзі ұсыну тәртібінде жүзеге асады.
4.4. Бірінші кезең медициналық ұйымдарда өтеді. Әр үміткер еңбек ұжымының жалпы жиналысында қарастырылады.
Аталымның бірінші кезеңінің жеңімпазы туралы шешім еңбек ұжымының дауыс беру нәтижесі арқылы қабылданады және ұжымның жалпы жиналысының хаттамасына енгізіледі.
Бірінші кезең аяқталғаннан кейін медициналық ұйымдар құжаттардың пакетін «Ұлттық Медициналық Ассоциациясы» РҚБ Орталық Кеңесіне жолдайды, мұнда аталымның екінші кезеңі өткізіледі.
Хаттамада мыналар ұсынылған:
- кадрларды есепке алу бойынша жеке парақша, 4×6 см түрлі түсті немесе ақ-қара фото, жоғары білім туралы дипломның көшірмесі;
- ұйымның басшысы арқылы расталған мінездеме;
Сонымен қатар орта медициналық жұмыскердің үздік маман екенін және оның науқастарды күту кезінде көрсеткен адамгершілігі мен қайырымдылығы қоғамда мойындалғанын дәлелдейтін өзге де құжаттар ұсыныла алады.
4.5. Аталымға қатысушылардың барлық құжаттары тікелей, қолма-қол тапсырылады немесе 050000 Алматы қаласы, Қазыбек би көш., 117/1 мекенжайы бойынша «Ұлттық Медициналық Ассоциациясы» РҚБ-не тапсырыс берілген хат бойынша жолданады.
4.6. Жеңімпаздарды анықтау үшін «Ұлттық Медициналық Ассоциациясы» РҚБ Орталық кеңесінің отырысы ұйымдастырылады.
«Ұлттық Медициналық Ассоциациясы» РҚБ Орталық кеңесі денсаулық сақтау ұйымдарынан келіп түскен материалдарды қарастырып, аталымның жеңімпазы туралы шешім қабылдайды және хаттама арқылы ресімдейді.
4.7. Ең көп дауыс жинаған жұмысшы жеңімпаз деп танылады.
4.8. Егер жұмысшы үшін «Ұлттық Медициналық Ассоциациясы» РҚБ Орталық кеңесі мүшелерінің басым көпшілігі дауыс берген жағдайда, жеңімпаз деп мойындау шешімі қабылданған болып саналады
5. Жеңімпаздарды марапаттау
5.1. Аталымның жеңімпазы сертификатпен және Бірлестіктің Орталық Кеңесі арқылы анықталған «Мейірім» жоғары адамгершілігі мен қайырымдылығын мойындау қоғамдық белгісімен марапатталады.
5.2. Марапаттау арнайы салтанатты Рәсімде, мемлекеттік немесе кәсіби мерекелер қарсаңында өткізіледі.
7. «AVE VITAE» ордені – төс белгісі туралы ереже
«AVE VITAE» ордені – төс белгісі «Ұлттық Медициналық Ассоциациясы» Республикалық Қоғамдық Бірлестігінің ең үздік марапаты болып табылады және марапатталатын тұлғаның адамзат алдында, адамдардың өмірін сақтап қалып, медициналық ғылым мен практиканың дамуына зор үлес қосқаны үшін беріледі.
«AVE VITAE» орденіне үміткер ретінде бірлестікте жұмыс істеу өтілі кем дегенде 10 жыл, бұған дейін «Алтын Дәрігер» төс белгісімен марапатталған, мүшелік жарнасын төлейтін, ұйымның міндеттері мен жобаларын жүзеге асыруда белсенді түрде атсалысатын, «Ұлттық Медициналық Ассоциациясы» Республикалық Қоғамдық Бірлестігінің (бұдан былай – «ҰМА» РҚБ) мүшесі қатыса алады.
Үміткерлер «ҰМА» РҚБ филиалдары арқылы ағымдағы жылдың 01 наурызына дейін ұсынылады, өтініш жазылған марапат қағазы ұйымның бас кеңсесіне жолданады. «ҰМА» РҚБ Президенті ағымдағы жылдың 01 сәуіріне дейін интернет-дауыс беру арқылы Орталық кеңес мүшелеріне үміткерлерді бекіту үшін жолдайды, осыдан кейін ағымдағы жылдың 15 сәуіріне дейін «AVE VITAE» орденіне лайықтыларды марапаттау бойынша бұйрыққа қол қояды.
«AVE VITAE» орденін дайындауға төлемді ағымдағы жылдың 15 сәуіріне дейін «ҰМА» РҚБ филиалы жүзеге асырады.
«AVE VITAE» орденін табыстау салтанатты рәсімде, «ҰМА» РҚБ өкілдері арқылы, жылына бір рет жыл сайынғы Бас Қауымдастық жұмыс істейтін күні өткізіледі. Айрықша жағдайларда бұл рәсім халықаралық конференцияларда және марапатталатын тұлғалардың мерейтойлы күндерінде табысталуы мүмкін.
«ҰМА» РҚБ Президенті «AVE VITAE» орденімен марапаттауға жер бетіндегі бейбітшілікті сақтауға зор үлес қосқан, адамдардың өмірі мен денсаулығына қамқорлық танытқан, Қазақстан Республикасында және одан тысқары елдерде тұратын адамдарды ұсыну бойынша айрықша құқыққа ие.
«AVE VITAE» орденімен ұйымның дамуына мол үлес қосқан, өз әріптестері мен науқастардың арасында құрмет пен беделге ие болған «ҰМА» РҚБ мүшелері қайтыс болғаннан кейін де марапатталуы мүмкін.
«AVE VITAE» ордені – «ҰМА» РҚБ төс белгісінің эскизі ұсынылды.